كتبت/بسمه عطيه
من يومى عايش فى البلد دى
كأنى ضيف
والله ضيف طيب وهادى
وبنام خفيف
كل اللى عايزه صحة عيالى
ولعرضى ستر
كل المطالب والزياده
باترها بتر
مبقولش عايز ابقى باشا
او ابقى بيه
راضى بقليله حتى ولو كان
ب الجنيه
راضى بحياتى مع انها ذل
واهانه
راضى بعلاوه تجيلى على
شكل الاعانه
اما تقولى ياريت بقى
تشد الحزام
والله خانق معدة ابويه
وبطلت انام
سياسة التقشف ممنوعة
على وفد الاسود
فرض على نملة فقيره
ملهاش وجود
انا نملة اه
وربنا مبكلشى سكر
سعره بيغلى على ثمنه
حتى مبقتش اقدر
كنت بلاقى فتات صوابعك واعيش
عليه
صرصار مغارتك
قالى كفايه
و طالبنى بيه
